Northern Samar at Davao Occidental magkasunod na niyanig ng lindol

Magkasunod na nakapagtala ng pagyanig sa Palapag, northern Samar at Sarangani, Davao Occidental, Biyernes ng umaga.

Alas 6:40 ng umaga, naitala ang magnitude 3.3 na lindol sa 104 kilometers north sa bayan ng Palapag sa lalawigan ng Northern Samar.

May lalim na 33 kilometers ang lindol at tectonic ang origin.

Samantala, alas 7:54 naman ng umaga nang yanigin ng magnitude 3.0 na lindol ang Sarangani, Davao Occidental.

Naitala naman ng Phivolcs ang epicenter ng lindol sa 27 kilometers south ng Sarangani.

Tectonic din ang origin ng lindol.

Kapwa hindi naman inaasahang magdudulot ng pinsala ang dalawang pagyanig.