Isa sugatan sa salpukan ng dalawang SUV sa Makati
Nagtamo ng sugat sa katawan ang isang lalaki matapos bumangga ang sinasakyan nyang SUV sa isang van sa Gil Puyat Ave, Makati City.
Kwento ng Makati Public Safety Department, binabaybay ng puting SUV na may plakang IL 8844 ang daan papuntang Pasay nang biglang salpukin ito ng kasalubong niyang puting van na may plakang VTA 33 na papuntang Ayala.
Naganap ang aksidente bago mag-alas 2:00 ng madaling araw makaraang umiwas ang van na minameneho ni Ricardo Francisco sa babaeng patawid lang ng kalsada.
Sa lakas ng impact, wasak ang kaliwang bahagi ng SUV habang basag naman ang harapan ang van.
Isinugod naman ang driver ng SUV na si Crispin Dela Paz sa Ospital ng makati makaraang dumaing ng sakit ng katawan at mahirapang huminga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.