Malacañang: Utos ni Duterte na pagbaril sa mga NPA makatwiran
Nanindigan ang Malacañang na may kapangyarihan si Pangulong Rodrigo Duterte na ipag-utos ang pag-aresto o pagbaril sa mga miyembro ng komunistang grupo na may bitbit na armas.
Paliwanag ni Presidential Spokesman Harry Roque, nahaharap sa kasong rebelyon ang anumang grupo na nag-aarmas at lumalaban sa estado at nambibiktima ng mga sibilyan.
Hindi aniya hahayaan ng pangulo na mamayagpag ang mga komunistang panay ang banat at atake sa ating mga tropa, mga sibilyan, mga negosyo at komunidad.
Tungkulin aniya ng pangulo ng bansa na tuldukan ang ganitong mga iligal na aktibidad ng komunistang grupo.
Sa ngayon, pinag-aaralan pa ng legal team ng administrasyon ang ipalalabas na executive order na magdi-deklara sa NPA bilang teroristang grupo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.