Ginawa ni Gat Andres Bonifacio, dapat tularan ng mga Pinoy – Duterte

Hinimok ni Pangulong Rodrigo Duterte ang mga Filipino na tularan ang ginawa ni Gat Andres Bonifacio.

Sa mensahe ng pangulo sa ika-154 kaarawan ni Bonifacio, sinabi nitong ang bayani ang nagpainit noon sa rebolusyon na nagbunsod sa kalayaan ng bansa.

Ayon sa pangulo, dahil tayong lahat ay nakinabang sa rebolusyon, dapat aniyang isabuhay ng bawat Pinoy ang kadakilaan ni Bonifacio.

Sa panahong ito, sinabi ng pangulo na kabilang sa mga dapat labanan ng mga PInoy ay ang korapsyon, krimen, ilegal na droga, terorismo at iba pang kaguluhan sa bansa.