Ginagawan umano ng paraan ng Senado na maipasa sa lalong madaling panahon ang traffic crisis bill na naglalayong maibsan ang problema ng trapiko sa bansa.
Ayon kay Sen. Grace Poe, pinuno ng Senate Committee on Public Service, taliwas sa umanoy naging pahayag ni Presidential Spokesman Harry Roque, nasa second reading na umano ang panukala at malapit ng matapos sa interpellation.
Sa panayam, iginiit ni Roque na hinihintay na lamang na maipasa ang panukala sa Senado para maging batas pero lumalabas ayon kay Poe na hindi pa ito naisalang sa ikalawang pagbasa sa kamara.
Paliwanag ni Poe, kahit na hindi pa ito na certify as urgent ni Pangulong Rodrigo Duterte ay nagpapatuloy umano ang pagsasagawa ng Senado ng pagdinig at interpellation sa panukalang emergency power para sa pangulo.