Mahigit 100 katao inilikas sa gusali sa Time Square sa New York dahil sa sunog
Inilikas ang mahigit isangdaang katao mula sa isang gusali sa Times Square sa New York dahil sa sunog.
Pinababa ang mga occupant sa Broadway Viacom Building sa 45th Street kanto ng 7th Avenue sa Times Square matapos makapagtala ng sunog sa parking area.
Wala namang napaulat na nasaktan sa sunog, pero ang mga inilikas ay kinailangang bumaba sa gusali na may taas na 45 palapag gamit ang hagdan.
Nagdulot din ito ng panic sa mga occupant dahil sa amoy ng gasolina at usok sa loob ng gusali.
Hindi pa malinaw kung ano ang pinagmulan ng apoy.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.