Halos 5 milyong pakete ng sigarilyo ng Mighty Corporation, sinira

By Justinne Punsalang November 26, 2017 - 04:57 PM

 

Sinira na ang halos limang milyong pakete ng sigarilyo na pag-aari ng Mighty Corporation sa isang destruction ceremony na ginanap sa Holcim Philippines Incorporated Geocycle compound sa Bunawan, Davao ngayong araw.

Sa isang pahayag, sinabi ng Department of Finance (DOF) na ang mga sinirang sigarilyo ay ang mga kinumpiska ng Bureau of Internal Revenue (BIR) at Bureau of Customs (BOC) noong March 6 matapos nitong magkaroon ng pekeng tax stamps.

Ayon pa sa kagawaran, ginamit ang ‘co-processing’ method ng Holcim Philippines para masigurado ang ‘total thermal destruction’ ng mga sigarilyo.

Bukod sa naturang batch ng mga sigarilyo, nakatakda ring sirain ng pamahalaan ang hindi bababa sa apat pang batches ng sigarilyo ng Mighty Corporation. Ito ay ang mga nakumpiska sa San Simon, Pampanga; San Ildefonso, Bulacan; Tacloban City; at Cebu.

May kabuuang halaga ang mga sinirang sigarilyo na P142.44 milyong piso.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.