20 truckload ng Mighty cigarettes, susunugin ngayong araw sa Davao City
Nakatakda nang sunugin ngayong araw sa Davao City ang nasa 20 truck ng pakete ng mga sigarilyo na may pekeng tax stamps.
Ang naturang mga sigarilyo ay pagmamay-ari ng Mighty Corporation na nakumpiska ng mga awtoridad sa mga warehouse at retail outlets sa Davao City, General Santos City, Tacloban City, Zamboanga at Cebu.
Pamumunuan ng Bureau of Internal Revenue (BIR) ang pagsusunog sa kontrabando sa presensya nina Finance Secretary Carlos Dominguez III at ilan pang matataas na opisyal kasama ang mga anti-smoking advocates.
Nauna na ngang ibinenta ng mga mag-ari ng Mighty Corporation ang negosyo sa Japan Tobacco Inc. matapos pagbayarin ng gobyerno ng bilyun-bilyong tax deficiency.
Samantala, wala pa namang iskedyul ang pagsira at pagsunog sa mga sigarilyong nakumpiska rin dahil sa pekeng strip stamps sa mga warehouse sa Luzon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.