Gilas Pilipinas, diretso ensayo matapos umuwi galing Japan

Hindi pa man lubhang nakakapagpahinga matapos ang kanilang laban sa Japan para sa FIBA World Cup Asian qualifiers, ay diretso ensayo nang muli ang Gilas Pilipinas.

Balik Maynila na ang koponan wala pang 24 oras ng manalo kontra Japan upang magsanay para sa kanilang susunod na laban.

Wagi ang Gilas sa iskor na 77-71 sa pamumuno ni Jayson Castro na nagtala ng 20 puntos.

Ang pag-eensayo ng koponan ay ibinahagi mismo ni Gilas head coach Chot Reyes sa serye ng kanyang mga posts sa Instagram.

Nakatakdang makalaban ng Gilas ang Chinese-Taipei bukas, araw ng Lunes sa Araneta Coliseum.

Susubukan ng koponan na maitala ang kanilang ikalawang panalo para sa World Cup.