Hanging Amihan, lumakas pa, mararamdaman sa Metro Manila ngayon at bukas

Lumakas ang pag-iral ng hanging Amihan at ayon sa PAGASA, maliban sa Northern Luzon ay apektado na din nito ang Central Luzon.

Dahil sa Amihan, ang mga rehiyon ng Cagayan Valley, Ilocos, Cordillera Administrative Region at nalalabi pang bahagi ng Central Luzon ay makararanas ng mahihinang pag-ulan ngayong araw.

Ayon sa PAGASA, ngayong araw hanggang bukas ay lalakas pa ang Amihan at mararamdan sa Metro Manila.

Samantala, apektado naman ng tail-end ng Cold Front ang Aurora, Marinduque, CALABARZON, Bicol Begion at Eastern Visayas.