Alas 5:00 pa lang ng umaga ay ipinatupad na ng MMDA ang blue lane policy at bandang alas 7:00 ng umaga ay nasa labingdalawang riders na ang nahuli.
Ayon sa ilang nahuling riders, hindi nila alam ang advisory ng MMDA na simula na ngayong Miyerkules ay mas magiging mahigpit na ang implementasyon ng motorcycle lane.
Bago ito ay mahigpit na ring ipinatupad ng ahensya ng yellow o bus lane sa EDSA na istriktong daanan ng mga pampasaherong bus, UVs at AUVs.
Habang ang blue o motorcycle lane ang pwede lamang daanan ng mga motorsiklo pero pwede rin itong daanan ng ibang private vehicles.
Sinabi naman ng MMDA na huhulihin din nila ang mga riders na walang suot na helmet at mga motorsiklo na sira ang headlights.