Lacson: Pagtatatag ng revolutionary government walang basehan
Naniniwala si Sen. Ping Lacson na walang basehan si Pangulong Rodrigo Duterte sa banta nitong pagdeklara ng revolutionary government.
Ayon kay Lacson, puwede lamang magkaroon ng revolutionary government kung magkaroon ng rebolusyon tulad ng nangyari sa panahon ni dating Pangulong Cory Aquino.
Maging sa Saligang Batas ay wala rin umanong makikitang probisyon sa alinmang pagkakataon na pinapayagan ang pagtatag ng revolutionary government.
Dagdag ni Lacson, hindi niya naiintindihan kung ano ang motibo ng pangulo para sabihin ito pero giit ng senador binawi din naman ng presidente ang banta nito.
Nauna nang sinabi ng pangulo na hindi siya magdadalawang-isip na magdeklara ng revolutionary government kapag umabot na sa karahasan ang tangkang pagpapabagsak sa kanyang administrasyon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.