LPA sa labas ng bansa, papasok sa PAR sa susunod na dalawang araw

Posibleng pumasok sa Philippine Area of Responsibility (PAR) ang binabantayang Low Pressure Area (LPA) ng PAGASA na nasa labas pa ngayon ng bansa.

Ayon kay PAGASA weather forecaster Lorie Dela Cruz, sa susunod na 24 hanggang 48 oras ay maaring pumasok ng bansa ang LPA.

Sa ngayon apektado na ng extension nito ang maraming lugar sa Mindanao.

Hindi rin inaalis ng PAGASA ang posibilidad na ito ay lumakas pa at maging isang ganap na bagyo.

Sa sandaling maging bagyo habang nasa loob ng bansa ay papangalanan itong “Urduja”.