Kotse na may diplomatic plate, nasunog sa EDSA-Buendia

Tinupok ng apoy ang isang kotse na may diplomatic license plate sa northbound lane ng EDSA-Buendia, Makati City, Lunes ng gabi.

Hindi na mapapakinabangan ang sasakyan matapos halos ubusin ng apoy dakong alas 9:30 ng gabi.

Rumesponde naman ang mga kagawad ng pamatay sunog upang apulain ang insidente.

Wala namang nasaktan sa sunog bagamat nagdulot ito ng matinding pagbibigat ng daloy ng trapiko sa northbound lane ng EDSA-Buendia area.

Lumilitaw rin na nakarehistro sa Indonesian embassy ang nasunog na kotse batay sa diplomatic plate nito.