Bagyong Tino, nagdadala ng malakas na pag-ulan sa Palawan at kalapit na lugar
Naging ganap na bagyo na ang low pressure area o LPA na namataan sa bahagi ng Puerto Prinsesa City, Palawan.
Sa 11AM update ng PAGASA, ang local name ng bagyo ay “Tino.”
Inaasahan na magla-landfall ito sa Southern Palawan mamayang alas-kwatro ng hapon hanggang alas-sais ng gabi.
Dahil dito, pinapayuhan ang mga residente sa MIMAROPA, Bicol region, Eastern Visayas, Caraga at Panay Island Luzon na maging alerto at mag-ingat sa malakas na ulan at posileng pagbaha at landslides.
Ayon sa PAGASA, nakataas na ang tropical cyclone warning signal number 1 sa Palawan.
Bunsod nito, hangga’t maaari ay iwasan nang pumalaot o bumiyahe sa karagatan.
Inaasahan naman na lalabas sa Philippine Area of Responsibility o PAR ang bagyo Sabado ng umaga.
Samantala, nakaranas ng malakas na pag-ulan sa ilang bahagi ng Metro Manila tulad sa lungsod ng Maynila at Quezon City.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.