Kalaboso ang isang lalaki matapos nitong pagmumurahin ang mga pulis at barangay tanod sa Barangay Bagong Silangan sa lungsod Quezon.
Kinilala ang suspek na si Arnold Cuysona, 25 taong gulang na isang technician at residente sa lugar.
Ayon sa mga otoridad, rumesponde sila matapos nilang makatanggap ng report mula sa barangay na mayroong nanggugulong lalaki sa lugar na nakilala lamang sa alyas na JV.
Pagdating nila ay wala na doon ang lalaki, kaya naman dumeretso sila sa bahay nito.
Pero bago pa sila makarating ay hinarang sila ni Cuysona at tinanong kung ano ang pakay nila sa lugar na humantong pa sa pagmumura nito sa mga pulis at barangay tanod.
Dito na inaresto ng mga pulis si Cuysona na mahaharap sa magkapatong na kasong unjust vixation at obstruction of justice.
Samantala, dahil sa pagharang at pagkakaaresto ni Cuysona ay hindi na napuntahan pa ng mga pulis ang una nilang pakay na si alyas JV.