Walang banta ng terorismo sa bansa ngayong ASEAN Summit – PNP

Walang na-monitor na banta sa seguridad ang Philippine National Police ngayong ASEAN Summit 2017.

Ayon kay PNP Chief Dir. Gen. Ronald Bato Dela Rosa, sa ngayon, wala silang namo-monitor na banta ng terorismo sa bansa.

Ayon kay Bato, tanging mga banta lamang ng mga kilos-protesta ang kanilang nalalaman.

Nangako rin ang PNP Chief na ito’y kanilang masusing babantayan upang hindi makalapit ang mga raliyista sa mga venue ng ASEAN.

Mananatili namang naka-full alert status ang PNP hanggang Miyerkules, November 15.