Hiling na makapagpyansa ni Zaldy Ampatuan ibinasura ng hukuman
Hindi pinagbigyan ng korte ang petisyon ni dating ARMM Governor Zaldy Ampatuan, isa sa mga pangunahing akusado sa Maguindanao Massacre, para makapagpiyansa sa upang pansamantala itong makalaya.
Sa text message sa media, kinumpirma ni Justice Secretary Leila de Lima na ‘denied’ ang naging desisyon ni QC RTC Branch 221 Judge Jocelyn Solis-Reyes sa petition for bail ni Zaldy Ampatuan.
Pinapurihan ng kalihim ang prosecution panel na nag-giit na hindi dapat makalabas ng piitan ang isa sa mga pangunahing suspek sa pagmasaker ng higit 50 katao karamihan ay miembro ng media noong November 23, 2009.
Dahil sa pagbasura sa bail petition ni Zaldy Ampatuan, uusad na ang pagdinig ng reklamo laban sa kanya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.