Tatlong magkakasunod na aberya, naitala sa biyahe ng MRT
Tatlong magkakasunod na aberya ang naitala sa biyahe ng Metro Rail Transit (MRT-3) Biyernes ng umaga.
Ito ay isang araw matapos ideklara ng Department of Transportation (DOTr) na nabawasan ang mga aberya na naitala sa biyahe ng MRT-3 mula nang magtake-over ang pamahalaan sa pangangasiwa sa tren.
Sa abiso ng MRT, sa naitala ang tatlong magkakasunod na aberya sa pagitan ng dalawang oras mula alas 9:00 hanggang alas 10:59 ng umaga.
Unang naitala ang aberya sa Kamuning Southbound, kung saan pinababa ang mga pasahero, alas 9:00 ng umaga dahil sa nagkaproblemang tren.
Ang ikalawang aberya ay naganap makalipas ang anim na minuto o 9:06 ng umaga kung saan pinababa rin ang mga pasahero sa Ortigas Southbound.
Ang ikatlong aberya ay naganap sa Buendia Station Southbound.
Pinababa din ang mga pasahero ng tren alas 10:59 ng umaga dahil sa technical problem.
Ngayong buwan ng Nobyembre, noon lamang November 5 walang naitalang aberya sa biyahe ng MRT.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.