Operasyon ng Angkas, ipinahinto

 

Naglabas ng order of desistence at closure ang lokal na pamahalaan ng Makati patungkol sa operasyon ng Angkas Training Center.

Batay sa imbestigasyong isinagawa ng Makati government, napag-alaman na walang kaukulang business permit ang Angkas na isang paglabag sa Revised Makati Revenue Code.

Ayon naman sa inilabas na order ng Makati, maaaring bumalik sa operasyon ang Angkas kapag nakapag-comply na ito sa naturang ordinansa.

Matatandaang ang Angkas ay isang uri ng app-based transportation services kung saan nagsasakay ng mga pasahero ang mga rehistradong motorsiklo na sa ngayon ay itinuturing na uri ng habal-habal.