Naaresto ng Philippine Drug Enforcement Agency (PDEA) ang dalawang Nigerian nationals sa isang entrapment operation sa Kawit, Cavite kaninang madaling araw.
Sinabi ni PDEA Director General Aaron Aquino na ang nahuling sina Solomon Anochiwa at Desmond Ozoma na mga kasapi ng West African drug syndicate.
Nabatid na mga operatiba ng PDEA-Calabarzon ang nagsagawa ng drug bust operation alas 12:30 ng madaling araw sa Centennial Road sa bayan ng Kawit.
Nakumpiska sa dalawa ang tatlong plastic bags na naglalaman ng P6 Million halaga ng shabu.
Sinabi pa ni Aquino na ang dalawang banyaga ay nagpapakalat ng shabu sa Metro Manila, Calabarzon at Bicol region.
Itinuro ang dalawa na source ng shabu ng mga drug personalities na naunang naaresto sa Naga City noong nakaraang araw ng Sabado.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.