Bonus at cash gift, matatanggap na ng mga empleyado ng gobyerno sa susunod na linggo

Matatanggap na ng mga empleyado ng gobyerno ang kanilang year-end bonus sa susunod na linggo.

Ayon kay Department of Budget and Management (DBM) Secretary Benjamin Diokno, sa November 15 ang release ng year-end bonus ng mga kwalipikadong empleyado ng gobyerno.

Inanunsyo ni Diokno ang magandang balita sa isinagawang press brieifing, Miyerkules ng umaga.

Maliban sa year-end bonus, tatanggap din sila ng P5,000 na halaga ng cash gift.

Ani Diokno, dahil ang November 15 na araw ng Miyerkules na isang non-working holiday dahil sa ASEAN Summit, maaring sa November 16 na makuha ng mga government employee ang kanilang bonus.