Mga maliliit na bangka, pinaiiwas sa Manila Bay sa panahon ng Asean summit

 

Inabisuhan ng Philippine Coast Guard ang mga may-ari ng mga maliliit na mga bangkang pangisda na umiwas muna sa Manila Bay sa panahon ng ASEAN summit.

Ayon kay Commander Armand Balilo tagapagsalita ng Philippine Coast Guard, maghihigpit ang Coast Guard sa pagbabantay sa karagatang malapit sa mga venue areas n ASEAN Summit upang matiyak na magiging maayos ang seguridad sa naturang mga lugar.

Paliwanag ni Balilo, magdedeploy sila ng mga tauhan sa karagatan sa bisinidad ng Baywalk sa Roxas Blvd., upang magsagawa ng patrol operations.

Bukod sa Coast Guard, magdedeploy rin ang Philippine Navy ng kanilang sariling personnel sa area.