Malaysian terrorist na si Amin Baco, bagong emir ng ISIS sa Southeast Asia
Mayroon nang bagong emir ang ISIS sa Southeast Asia, at ito ay ang Malaysian terrorista na si Amin Baco.
Ito ang nakuhang impormasyon ng Philippine National Police mula sa naarestong Indonesian terrorist na si Mohammad Ilham Syahputra.
Ayon kay PNP chief Director Gen. Ronald Dela Rosa, natanggap nila ang ulat na si Amin Baco na ang pumalit kay Isnilon Hapilon.
Bukod aniya sa pagiging emir ng ISIS sa Southeast Asia, si Amin Baco din ang lider ng mga natitira pang Maute members.
Sinabi din ni Bato na inamin ni Syahputra na kasama niya si Baco nang umatake sila sa Piagapo, Lanao del Sur.
Inihayag naman ni Deputy Director General Fernando Mendez Jr, pinuno ng PNP Directorate for Operations, na si Baco ang isa sa mga teroristang matagal nang nananatili sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.