Bukod sa pagpaparehistro ay hinimok rin ng PPCRV ang lahat na bumoto.
Ayon kay PPCRV chairperson Rene Sarmiento, importante ang bawat isang boto lalo na’t posible na magkaroon ng ‘tie votes’ sa barangay at SK election.
Ang naturang pahayag ay inilabas bilang paalala sa muling pagbubukas bukas, November 6, ng pintuan ng Commission on Election (COMELEC) para sa voter registration.
Nais rin ni Sarmiento na magpa-reactivate ng kanilang mga record ang botanteng ikinonsidera nang deactivated ang kanilang COMELEC records matapos hindi bumoto noong nakaraang dalawang mga eleksyon.
Ayon pa kay Sarmiento, makikipagtulungan sila sa COMELEC para naman sa voter registration ng mga persons with disability (PWD) sa mga satellite offices at mga mall.
Matatandaang una nang inanunsyo ng COMELEC ang muling pagbubukas ng registration sa buong bansa, liban na lamang sa lalawigan ng Lanao del Sur simula November 6 hanggang 30.