Binayaran na ng Philippine Airlines ang kanilang anim na bilyong pisong pagkakautang sa gobyerno.
Binitbit ni PAL Vice President for Legal Affairs Clara De Castro ang dalawang tseke sa Civil Aviation Authority of the Philippines (CAAP) at sa Manila International Airport Authority (MIAA).
Ang isang tseke na nagkakahalaga ng P 5,677,887,615 ay kay CAAP Chief Accountant Raul Eusebio at ang isang tseke na P 258,594,230 ay ibinayad kay MIAA Assistant Gen. Manager for Finance Arlene Britanico.
Ang naturang turn over ng mga cheke ay sinaksihan nina DOTr Undersecretary for Aviation and Airports Manuel Antonio L. Tamayo, Undersecretary for Legal Affairs and Procurement Reinier Paul Yebra at Assistant Secretary for Communications Leah Quiambao.
Ang kabuuang halaga ay pagkakautang ng PAL sa gobyerno simula pa noong dekada ’70 hanggang nitong July 2017.
Nauna nang nagbanta si Pangulong Rodrigo Duterte na ipapasara niya ang Terminal 2 kapag hindi binayaran ang utang nito hanggang sa darating na Disyembre.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.