Mga babaeng sundalong nakipaglaban sa Marawi, nasa HK na

 

Nasa Hong Kong na ang ilan sa mga babaeng sundalong nakipagbakbakan sa Marawi City laban sa ISIS – inspired Maute group.

Matatandaang nangako si Pangulong Rodrigo Duterte na bibigyan ng all-expense paid na bakasyon ang mga sundalo matapos lamang mapulbos ang teroristang grupo.

Inanunsyo ito ng pangulo sa isang pulong balitaan sa Davao City matapos ang kanyang pag-uwi mula sa Japan.

Ayon sa pangulo, sagot ng Cebu Pacific ang flights ng mga sundalo. Habang sinagot naman ng niya ang allowance ng mga sundalo.

Samantala, sinabi rin ng pangulo na isinama niya sa Japan ang 17 battalion commanders bilang break ng mga ito.

Sa pinakahuling tala, nasa 165 na sundalo ang nasawi sa pakikipagbakbakan sa Maute terror group.