Daan libong katao dumagsa sa Manila North Cemetery
Umabot na sa halos 300,000 katao ang dumagsa sa Manila North Cemetery ngayong umaga para bisitihan ang mga yumao nilang mahal sa buhay.
Sa pagtaya ng Manila Police District (MPD), Martes ng umaga, umabot na sa 280,000 hanggang 300,000 ang bilang ng mga taong nasa loob at labas ng sementeryo.
Mahigpit pa rin ang ipinatutupad na seguridad at ang mga gamit ng mga pumapasok ay sinusuri para matiyak na hindi sila makapagpapasok ng mga bawal na gamit.
Sarado pa rin ang gate 1 ng sementeryo sa anumang uri ng mga sasakyan at may mga itinalagang e-trike para maghatid sa mga papasok sa loob.
May pinahihiram ding wheelchair para sa mga nakatatanda.
Nasa isang libong pulis ang naka-deploy para magpatupad ng seguridad sa Manila North Cemetery.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.