Nilagdaan na ni Land Transportation Franchising and Regulatory Board (LTFRB) Chairman Martin Delgra ang isang memorandum circular na nagpapalawig sa 20-percent discount para sa mga mag-aaral.
Base sa nasabing memorandum circular, entitled ang mga estudyante para sa 20% fare discounts sa lahat ng mga pampublikong mga sasakyan.
Sakop nito ang lahat ng mga araw sa buong linggo pati na ang mga legal at special holidays gayun din ang summer break.
Hindi naman sakop ng nasabing diskwento ang mga post-graduate student tulad ng mga kumukuha ng medicine, law at iba pang mga masteral at doctorate degrees.
Magiging epektibo ang kautusan makalipas ang labinglimang araw makaraang mailathala ang mga nilalaman nito sa mga major dailies sa bansa.