Ilang interior streets sa Marikina bubuksan dahil sa trapik na dulot ng LRT Line 2 construction

 

Upang maibsan ang trapiko, bubuksan sa mga motorista ang ilang subdivision malapit sa Marcos Highway partikular sa lungsod ng Marikina.

Ito ay bunsod ng mas lumalalang daloy ng mga sasakyan dahil sa konstruksyon ng terminal ng LRT Line 2.

Ayon kay Marikina Mayor Marcy Teodoro, dalawang interior streets ang nakikita sa lungsod para gamiting alternative routes ng mga pribadong sasakyan.

Hinihintay na lang na mailagay ang mga traffic at street signs sa mga napiling alternative routes bago ianunsyo sa publiko.

Nauna nang nagtalaga ng loading at unloading zone sa parking lot ng isang mall sa kahabaan ng Marcos Highway para makabawas sa perwisyong dulot ng pagsasakay at pagbaba ng mga jeepney driver sa mga pasahero.