Sa naturang kulungan nakapiit ang mga high profile inmate na sina pork barrel scam queen Janet Lim-Napoles, Farhana Maute na ina ng magkapatid na teroristang Abdullah at Omar Maute, Gigi Reyes at maging ang itinuturoing mastermind sa Maguindanao massacre na si Zaldy Ampatuan.
Sa pagbisita ng pangulo sa Camp Bagong Diwa, sinabi nito na maibibigay ang mga bagong TV set sa katapusan ng Oktubre.
Sa ngayon, kuntento at masaya naman ang pangulo dahil maayos ang pasilidad sa Camp Bagong Diwa.
Maayos aniya ang sitwasyon, komportable, malinis ang naturang pasilidad kahit na limitado ang budget ng Bureau of Jail Manaement and Penology (BJMP).
Nangako rin ang pangulo na makatatanggap ng dobleng sweldo ang mga tauhan ng BJMP sa susunod na taon.
Nangako rin ang pangulo na kasama sa mabibigyan ng pabahay ang mga tauhan ng BJMP tulad ng kanyang ibinigay na pabahay sa mga pulis at sundalo.