Martial Law sa Mindanao, hindi pa babawiin kahit patay na sina Hapilon at Omar Maute

By Cyrille Cupino October 16, 2017 - 01:44 PM

Hindi pa babawiin ng pamahalaan ang ipinatutupad na Martial Law sa buong Mindanao.

Ito’y kahit napatay na ng mga tropa ng militar ang dalawang lider ng Maute group na sina Isnilon Hapilon at Omar Maute.

Ayon kay Defense Sec. Delfin Lorenzana, mas tinitignan ngayon ng pamahalaan ang ‘aftermath’ ng nagpapatuloy pang giyera sa Marawi City.

Matapos umano ang kanilang magiging assessment, saka pa lamang nila malalaman kung dapat nang bawiin ang ipinatutupad na Martial Law.

Ipinauubaya na rin umano niya kay Pang. Duterte ang desisyon kung babawiin o ipagpapatuloy pa rin ang Martial Law sa Mindanao.

Matatandaang May 23, 2017, o mahigit apat na buwan na ang nakalipas mula nang magdeklara ng Martial Law si Pang. Rodrigo Duterte sa buong Mindanao, kasunod ng pag-atake ng teroristang Maute group sa Marawi City.

 

 

 

 

 

TAGS: Isnilon Hapilon, Marawi City, Martial Law, Mindanao, omar maute, Isnilon Hapilon, Marawi City, Martial Law, Mindanao, omar maute

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.