Ikatlong dry-run ng ASEAN convoy, isasagawa sa Linggo
Asahan na ang pagsikip ng daloy ng trapiko sa ilang kalsada sa Metro Manila ngayong darating na Linggo.
Sa Linggo, October 15 kasi isasagawa ng mga otoridad ang ikatlo nilang convoy dry run para sa gaganaping 31st Association of Southeast Asian Nations (ASEAN) Summit sa November.
Tatlong convoys na magmumula sa Clark International Airport ang pupunta sa tatlong iba’t ibang destinasyon sa Metro Manila.
Ito ay ang Manila Hotel sa Maynila, Peninsula Manila sa Makati at sa Bonifacio Global City sa Taguig City.
Mula naman sa iba’t ibang hotel sa mga nasabing lugar, pupunta naman sa Philippine International Convention Center (PICC) ang mga convoy kung saan gaganapin ang event.
Dahil dito, maaapektuhan ng trapik ang ilang bahagi ng EDSA, Makati, Taguig, Pasay at Maynila, pati na ang southbound lanes ng SCTEX at NLEX.
Ang mga rutang ito ay magiging bahagi ng ceremonial lanes sa ASEAN Summit na nakatakdang ganapin sa November 10 hanggang 14.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.