PNP anti-drug units sa buong bansa bubuwagin na
Bubuwagin na ang lahat ng Drug Enforcement Unit ng Philippine National Police sa lahat ng rehiyon sa bansa.
Ito ang inihayag ni Police Director Camilo Cascolan ng Directorate for Operations, kasunod ng pag-alis sa kapangyarihan ni Pangulong Rodrigo Duterte sa PNP na pangunahan ang war on drugs campaign.
Ayon kay Cascolan, ang Philippine Drug Enforcement Agency (PDEA) na kasi ang mangangasiwa sa illegal drug operations at tanging law enforcement activities na lamang ang pagtutuunan nila ng pansin.
Paliwanag niya, mako-convert na ang DEU sa Detectives/Police Intel Operatives na ang pangunahing layunin ay ‘prevention’ at magbigay ng ‘solution’ sa mga street crimes.
Sinabi rin ni Casolan na ang lahat ng kaso na iniimbestigahan nila ngayon ay ipapasa na rin sa PDEA.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.