(UPDATE) Tatlong aberya na ang naitatala sa biyahe ng Metro Rail Transit (MRT) ngayong umaga.
Sa abiso ng MRT, unang naitala ang aberya alas 9:10 ng umaga sa bahagi ng Shaw Boulevard station, northbound.
Itinaas sa category 3 ang status ng biyahe ng MRT at pinababa ang mga pasahero makaraang magkaproblema ang isa nitong tren.
Samantala, alas 10:10 naman ng umaga nang maitala ang ikalawang aberya sa Ortigas station, southbound.
Technical problem din ang dahilan ng aberya.
Ang ikatlong aberya naman ay naganap alas 11:23 ng umaga.
Pinababa ang mga pasahero makaraang makaranas ng technical problem ang isang tren sa Kamuning station, southbound.
Ngayong buwan ng Oktubre, dalawang araw pa lamang hindi nakakapagtala ng aberya sa biyahe ang MRT.
Ito ay noong October 1 at 3.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.