LOOK: Mga kanseladong biyahe ngayong araw, Oct. 11, dahil sa sama ng panahon

(UPDATE) Kinansela ang ilang biyahe patungo at mula sa Cagayan dahil sa sama ng panahon.

Sa abiso ng Manila International Airport Authority (MIAA), kanselado ang flight 5J 504 at 506 Manila – Tuguegarao at ang flight 5J 505 at 507 Tuguegarao – Manila ng Cebu Pacific.

Kanselado rin ang flight 2P 2014 Manila – Tuguegarao at 2P 2015 Tuguegarao – Manila ng PAL Express.

Ang mga apektadong pasahero ay pinayuhan ng MIAA na makipag-ugnayan sa airline companies para sa rebooking o refund ng pamasahe.

Ang Cagayan Valley ay kabilang sa mga rehiyon na apektado ng Low Pressure Area na nasa bahagi ng Casiguran, Aurora.