Trillanes: Kamay ni Duterte kita sa desisyon ng SC sa kaso ni De Lima

Ikinalungkot ni Sen. Antonio Trillanes IV ang naging pagbasura ng Supreme Court sa hiling ng kampo ni Sen. Leila de Lima na ipawalang bisa ang warrrant of arrest laban sa kanya hinggil sa mga kasong isinampa kaugnay sa pagkakasangkot umano nito sa transaksyon ng ilegal na droga sa New Bilibid Prison.

Ayon kay Trillanes, ipinapakita lamang sa naging desisyon ng Korte Suprema na kontrolado ni Pangulong Rodrigo Duterte ang tatlong sangay ng gobyerno, ang lehislatura, ehekutibo at ang hudikatura.

Aniya nakakapanghinayang dahil ang desisyon umano ng SC ang mistulang magsasa-legal sa ginagawang political persecution laban kay De Lima.

Giit ng senador, malinaw ang ginagawang manipulasyon ni Duterte sa tatlong sangay ng gobyerno kung kaya marapat lamang na tindigan ito at tutulan./