LRT 1, magbibigay ng libreng sakay para sa mga lolo at lola ngayong araw

Magkakaroon ng libreng sakay sa lahat ng istasyon ng Light Rail Transit – 1 o LRT 1 para sa mga matatanda o senior citizen ngayong araw, October 8.

Sa Twitter account ng LRT 1, inabisuhan ang publiko sa libreng-sakay para sa selebrasyon ng Elderly Family Week ngayong taon.

Anila, ipakita lamang ang kanilang Senior Citizen’s ID na inisyu ng Office of the Senior Citizens Affairs o anumang government-issued IDs para makakuha ng libreng-sakay.

Una nang nagbigay ng libreng sakay para sa mga senior citizen ang LRT 2 noong nakaraang October 2.