Ayon kay PNP Spokesman Chief Supt. Dionardo Carlos na ipinunto sa kanya ng “Task Force Usig” na hindi pa kumpirmadong extrajudicial killings ang pagpatay sa mamamahayag na si Larry Que sa Catanduanes.
Ang Task Force Usig ang nag-iimbestiga sa mga kaso ng pagpatay sa mga mamamahayag, at ang pagpaslang kay Que ay iniuugnay kina Catanduanes Gov. Joseph Cua at PO1 Vincent Tacorda.
Una na kasing sinabi ni Carlos na ang pagpatay kay Que ay kaso ng extrajudicial killing.
Bago ito, lumabas sa SWS survey na pito sa bawat 10 Filipino ay natatakot na sila ay maging biktima ng extrajudicial killings.