Isang ginang ang inaresto ng US authorities sa Waco, Texas makaraang itago nito ang isang baril sa loob ng kanyang ari.
Nagulat ang mga otoridad na nagpahinto sa sasakyan ng suspek na si Ashley Cecilia Castaneda, 31, nang aminin nito na mayroon siyang baril sa loob ng kanyang kaselanan habang ibinibyahe patungong himpilan ng pulisya dahil sa isang drug related case.
Dahil dito, agad na inihinto ng mga pulis ang sasakyan at ipinakuha sa suspek ang naturang armas.
Narekober ang isang .22 caliber na Smith & Wesson pistol sa loob ng kaselanan ng suspek.
Una rito, inaresto si Castaneda ng mga otoridad nang makuha sa kanya ang may 30 gramo ng methampetamine at mga digital scale sa loob ng kanyang bag nang mapahinto sa isang routine traffic stop.