Metro Manila at mga kalapit na lalawigan, maagang inulan

Maagang nakaranas ng malakas na buhos ng ulan ang Metro Manila at mga kalapit nitong lalawigan.

Sa abiso ng PAGASA, alas 4:45 ng umaga nakaranas ng malakas na pag-ulan dulot ng thunderstorm ang buong Metro Manila, Rizal, Cavite, Laguna at Quezon.

Samantala ang Low Pressure Area (LPA) na binabantayan ng PAGASA ay huling namataan sa bisinidad ng Natonin, Mountain Province.

Ayon sa PAGASA, maghahatid ito ng kalat-kalat na pag-ulan sa mga Rehiyon ng Ilocos, CAR, Cagayan Valley at sa lalawigan ng Aurora.

Localized thunderstorms naman ang iiral sa nalalabi pang bahagi ng bansa na maaring magdulot ng isolated na mga pag-ulan.