Magnitude 3.7 na lindol, naramdaman sa Bohol

 

Nakaranas ng tatlong banayad na lindol ang lalawigan ng Bohol, Lunes ng gabi.

Sa tatlong magkakasunod na pagyanig, naitala ang pinakamalakas sa mga ito dakong alas 8:53 ng gabi.

Naitala ang episentro ng magnitude 3.7 na lindol may apat na kilometro sa timog-kanlurang bahagi ng Antequera, Bohol.

Ayon sa PhiVolcs, naramdaman ang intensity 2 na paggalaw ng lupa sa bayan ng Tagbilaran.

Una pa rito, dakong alas 8:50 ng gabi, naitala ang magnitude 2.3 na lindol sa silangang bahagi ng Sagbayan, Bohol.

Magnitude 2.1 naman ang naitala ng Phivolcs sa silangang bahagi ng Cortes, Bohol dakong alas 8:30 ng gabi.

Wala namang naiulat na pinsala sanhi ng mga naturang pagyanig.