Dagdag sa presyo ng produktong petrolyo, epektbo na ngayong araw
Simula na ngayong araw ang dagdag-bawas sa presyo ng mga produktong petrolyo.
Sa magkahiwalay na abiso, inanunsiyo ng Flying V, Shell Petroleum Corp. at Seaoil na papatak sa P 0.25 kada litro ang dagdag na presyo sa gasolina, P 0.55 sa kerosene at P 0.55 naman sa diesel.
Sa Phoenix Petroleum Philippines, tataas ng P 0.25 kada litro ng gasolina at P 0.55 naman sa diesel.
Sa Flying V, naging epektibo ang price adjustment kaninang hatinggabi.
Alas sais ng umaga naman magsisimula ang dagdag-presyo sa Shell, Seoil at Phoenix, UniOil, Eastern Petroleum Corp., at PTT Philippines sa kaparehong araw.
Sa tala ng Department of Energy, naglalaro ang presyo ng diesel mula P 29.85 hanggang P 35.85 kada litro habang mula P 40.80 hanggang P 50.99 naman sa gasolina.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.