Ngayong araw ng Lunes, October 2 magsisimula ang retraining at reorganization ng 1,143 na pulis mula sa Caloocan City.
Pangungunahan ni Philippine National Police (PNP) chief Director General Ronald dela Rosa ang muling pagsasanay ng mga pulis na tatagal ng 45-araw.
Matatandaang na-relieve sa kanilang pwesto ang mga nasabing pulis dahil sa sunud-sunod na mga pagkakadawit ng mga tauhan ng Caloocan police sa mga maanomalyang operasyon.
Kabilang na dito ang pagkamatay ng mga kabataang sina Kian Loyd delos Santos at Carl Angelo Arnaiz sa kanilang mga operasyon.
Nasundan pa ang pagbatikos sa Caloocan police matapos ang isinagawang iligal na raid sa isang tahanan sa lungsod kung saan nanakawan pa ang mga may-ari ng bahay.
MOST READ
LATEST STORIES