Pitong mga isla at ilang mga bahagi ng mga probinsyang malapit sa dagat ang idineklarang positibo sa red tide o paralytic shellfish poison ayon sa Bureau of Fisheries and Aquatic Resources o BFAR.
Sa abiso na inilabas ng naturang kagawaran hindi ligtas kainin ang mga lamang dagat mula sa mga sumusunod na lugar:
– Irong-Irong Bay, Maqueda Bay, Villareal Bay at coastal waters sa Daram Island sa Western Samar
– Matarinao Bay sa Eastern Samar
– Carigara Bay sa Leyte
– Tambobo Bay, Siaton sa Negros Oriental
– Inner Malampaya Sound, Taytay at Puerto Princesa Bay, Puerto Princesa City sa Palawan
– Coastal waters ng Gigantes Islands, Carles sa Iloilo
– Coastal waters ng Milagros at Mandaon sa Masbate.
Ang sinumang kokonsumo ng mga lamang dagat mula sa mga lugar na positibo sa red tide ay maaaring makaranas ng mga sintomas ng lagnat, pagkahilo, pagkamanhid, rashes, maging respiratory arrest.