Peace talks sa CPP-NPA-NDF, tablado na ayon kay Pangulong Duterte

Wala nang balak si Pangulong Rodrigo Duterte na pabalikin pa sa Norway sina Government Chief Negotiator Silvestre Bello at Presidential Adviser on the Peace Process Jess Dureza para ituloy ang usaping pangkapayapaan sa Communist Party of the Philippines – New Peoples Army – National Democratic Front (CPP-NPA-NDF).

Paliwanag ng pangulo, gastos lamang ang pakikipag-usap sa komunistang grupo at pag-aaksaya lamang sa pera ng bayan.

Bukod dito, sinabi ng pangulo na tiyak na wala rin namang mangyayari sa pakikipag-usap sa makakaliwang grupo.

Matatandaang una nang kinansela ng pangulo ang alok na usaping pangkapayapaan matapos ipag-utos ng liderato ng makakaliwang grupo na paigtingin pa ang opensiba laban sa gobyerno.

Ang Norway ang nagsisilbing third party facilitator sa peace talks ng dalawang grupo.