BOC, may 19 na bagong X-ray units para sa NAIA
Bilang bahagi ng mga hakbang upang mapigilan ang pagpasok ng mga kontrabando sa bansa, 19 na bagong x-ray units ang binili at nakatakdang ilagay ng Bureau of Customs sa Ninoy Aquino International Airport.
Ayon kay Customs Commissioner Isidro Lapeña Jr., binili ang mga naturang x-ray units upang maresolba ang tumataas na insidente ng smuggling pati na ang drug trafficking sa bansa.
Sa pamamagitan din ng bagong X-ray machines, madedetect din ang mga items na pwedeng patawan ng buwis.
Dahil dito, magiging posible sa NAIA-Customs office na maabot ang target na 50 bilyong pisong revenue ngayong taon.
Sampu ang fixed baggage machine, pito ang hand-carried baggage machines at dalawa naman ang mobile X-ray machines ang nakatakdang iinstall sa tatlong terminal.
Nagkakahalaga ang mga makina ng 172 milyong piso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.