MPD hindi nagpabaya sa kaso laban kay John Paul Solano

Naninindigan ang Manila Police District na ginawa nila ang lahat ng legal na pamamaraan sa pagsasampa ng mga kaso laban kay John Paul Solano.

Ngunit sinabi ni MPD Spokesman Supt. Erwin Margarejo na wala na silang magagawa kung ang nagdesisyon ang DOJ na palayain pansamantala si Solano.

Nauna na rin nilinaw ni Prosecutor General George Catalan na ang pagpapalaya kay Solano ay hindi nangangahulugan na absuwelto na ito sa pagpatay kay UST Law student Horacio Castillo III.

Nagtakda ang DOJ ng preliminary investigation para kay Solano sa darating na Oktubre 4 at 9.

Pangungunahan na rin ni Asst. State Prosecutor Susan Villanueva ang 3-member panel na magsasagawa ng preliminary investigation.