Kasong economic sabotage at graft, isinampa ni Lacson laban kay Faeldon

Naghain si Senador Ping Lacson ng kasong kasong economic sabotage at graft laban sa nagbitiw na Customs commissioner na si Nicanor Faeldon.

Isinampa ng senador ang reklamo sa Office of the Ombudsman dahil umano sa rice smuggling.

Sinabi ni Lacson na ito ay dahil sa pagpayag umano ni Faeldon na makalusot ang smuggled rice sa Cagayan de Oro City.

Una nang ipinahayag ng senador na magsasampa siya ng kaso laban kay Faeldon sa gitna ng alitan ng dalawa kasunod ng imbestigasyon ng Senado sa 6.4 billion-peso shabu shipment na nakalusot sa Bureau of Customs.