Makaraang mapurnada noong nakaraang linggo, tuloy na tuloy na ngayong araw ang 3rd Quarter National Simultaneous Earthquake Drill.
Dahil dito, patuloy ang paghikayat ng National Disaster Risk Reduction and Management Council (NDRRMC) sa publiko na maki-duck, cover and hold alas 2:00 ng hapon.
Ayon kay NDRRMC Spokesperson Romina Marasigan, sa strike gymnasium sa Bacoor, Cavite ang sentro ng drill na pangungunahan ng mga matataas na opisyal ng pamahalaan.
Habang dito naman sa Metro Manila, sa Sandiganbayan ang pilot area.
Layon aniya ng naturang drill na ihanda ang publiko sa pagtama ng malakas na lindol sa bansa.
Matatandan na iniurong noong Sept. 21 ang earthquake drill matapos magsuspinde ng klase at trabaho sa gobyerno si Pangulong Duterte para sa national day of protest.
Samantala, umapela naman Malakanyang sa publiko na seryosohin ang nationwide earthquake drill.
Ayon kay Presidential Communications Secretary Martin Andanar mahalaga ang kahandaan sa anumang sakuna.
Iginiit ni Andanar na mas maganda na mapaghandaan ng mga residente ang inaasahang paggalaw ng west valley fault, nakatira man sila malapit o malayo sa fault system.